கலைச்சொல் ஆக்கம் , மொழிபெயர்ப்பு,கலைச்சொல்லாக்கம் தேவைகள்

 

              கலைச்சொல் ஆக்கம்

 

கலைச்சொல்

ஒவ்வொரு துறையிலும் நாள்தோறும் புதியபுதிய கண்டுபிடிப்புகள் 

தோன்றுகின்றன .

இக் கண்டுபிடிப்புகளுக்காக ஒவ்வொருவரும் அவரவர் மொழியில் 

உருவாக்கும்  புதிய சொற்களைக் 'கலைச்சொற்கள்' என்பர்.

இவை புதியவை ஆதலால் பிறமொழிகளில் இதனை ஆக்கிக்கொள்ள 

வேண்டும்.

இவ்வாறு ஒரு மொழியிலிருந்து தம் தாய்மொழியில் கலைச்சொற்களை 

உருவாக்கிக் கொள்வதையே கலைச் சொல்லாக்கம் என்கிறோம்.

 

மொழிபெயர்ப்பு - கலைச்சொல்லாக்கம் = வேறு வேறு

மொழிபெயர்ப்பு என்பது வேறு, கலைச்சொல்லாக்கம் என்பது வேறு !

தருமொழி, பெறுமொழி என்பன குறித்து நினைவில் கொள்ள வேண்டும்.

சான்றாக ஆங்கிலத்திலிருந்து ஒரு சொல் தமிழில் மொழிபெயர்க்கப்

படும்போது, ஆங்கிலம் தரு மொழி, தமிழ் பெறுமொழி ஆகும்.

தமிழிலிருந்து தெலுங்கிற்குச் சென்றால் தமிழ் தருமொழி, தெலுங்கு

பெறுமொழி ஆகும்.

 

தருமொழியின் எழுத்தில் அமைந்த சொல் (அ) சொற்றொடர் (அ)

கருத்து ஆகியன பெறுமொழியின் எழுத்தில் பெயர்த்துச் சொல்வது

மொழிபெயர்ப்பாகும்.

Hand - கை, I go - நான் செல்கிறேன்.

He went to temple yesterday  - அவன் நேற்று கோவிலுக்குச் சென்றான்.

இவை மொழி பெயர்ப்புகள். இதில் இரண்டு மொழியிலும்  இணையான 

சொற்கள் இருக்கும்.

 

கலைச்சொல் என்பதில், தருமொழியில் ஒரு சொல் புதிதாக உருவாக்கப் 

பட்டிருக்கும் .

ஆனால் பெறுமொழியில் அதற்கு இணையான சொல் இருக்காது.

எனவே பெறுமொழியானது புதிதாக கலைச்சொற்களை ஆக்கிக் 

கொள்ளவேண்டிய தேவை ஏற்படும்.

Cell phone- கைபேசி அலைபேசி, Smart phone-திறன்பேசி, Website-இணையம்.

இவை மொழிபெயர்ப்புகள் அல்ல.

தமிழில் ஆக்கிக்கொள்ளப்பட்ட கலைச்சொற்கள் ஆகும்.

எனவே மொழிபெயர்ப்பு, கலைச்சொல்லாக்கம் இரண்டும் வேறு 

வேறானவை.


இக் கலைச்சொற்கள் குறித்து அகராதியில் அறிந்து கொள்ள முடியாது.

ஏனெனில், பொருள் தெரியாத சொற்களுக்குப் பொருள் கூறுவது  

அகராதியின் நோக்கமாகும்.

கலைச்சொல்லாக்கம் என்ற இச் சொற்றொடர் (கலைச்சொல்!)

கலையியல், அறிவியல் என்ற இருவகைத் துறைச் சொற்களையும்

குறிப்பதாகும்.

 

கலைச்சொல்லாக்கம் தேவைகள்:

 

1. ஒரு மொழி நிலையான  மொழியாகத் திகழ வேண்டும் என்றால், அது 

காலத்திற்கு ஏற்பத் தன்னைப் புதுப்பித்துக்கொள்ள வேண்டும். அதற்குக் 

கலைச்சொல்லாக்கம் தேவையாகிறது.

 

2 . சட்டம், மருத்துவம், பொறியியல், அரசியல் போன்ற பாடங்களை மக்கள் 

தம் தாய் மொழியில் கற்க வேண்டும் என்றால் கலைச் சொல்லாக்கம் 

இன்றியமையாதது.

 

3 . அறிவியல் கண்டுபிடிப்புகள் மக்களின் பயன்பாட்டிற்கு வந்துகொண்டே 

இருக்கின்றன.

அவற்றை மக்கள் எளிமையாகவும் விரைவாகவும் பயன்படுத்திக்கொள்ள 

கலைச்சொல்லாக்கம் தேவையாகின்றது.

 

4 . ஒரு மொழியானது ஆட்சி மொழியாக விளங்க வேண்டுமானால். 

அதற்குத் துறைதோறும் கலைச் சொல்லாக்கம் கட்டாயம் 

தேவையாகின்றது.

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

முத்தொள்ளாயிரம்- சேரர் - சோழர் - பாண்டியர்

                      முத்தொள்ளாயிரம் சங்க மருவிய காலத்து இலக்கியம். சங்க கால அகப்புற மரபுகளை ஒட்டி எழுதப்பட்ட இந்நூல் 3 x 300 மொத்தம் 900 பாடல்கள் என்ற பொருள் கொண்டு இதில் 2700 பாடல்கள் இருந்தன என்பர் ஒரு சாரார். மூவேந்தர்களைப் பற்றிய 300 பாடல்கள் மூலம் (3 x 300) மொத்தம் 900 பாடல்கள் மட்டுமே இருந்தன என்பர் ஒரு சாரார். ஆனால் இன்று 130 பாடல்கள் மட்டுமே கிடைத்துள்ளன. பாண்டியன் 1.         புகழ்               பார்படுப   செம்பொன் பதிபடுப முத்தமிழ்நூல் நீர்படுப வெண்சங்கும் நித்திலமும் – சாரல் மலைபடுப யானை வயமாறன் கூர்வேல் தலைபடுப தார்வேந்தர் மார்பு.   பொருள் : பாண்டிய நாட்டின் மண்ணுக்குள் பொன் இருக்கும். அவனுடைய தலைநகர் மதுரையில் முத்தமிழ்ச் சங்கம் இருக்கும். அவனுடைய கொற்கைக் கடலில் வெண்ணிறச் சங்கும் முத்தும் கிடைக்கும். அவனுடைய பொதிகை மலைச் சாரலில் யானைகள் இருக்கும். இப்படிப்பட்ட வளமெல்லாம் நிறைந்த வலிமை மிக்க பாண்டி...
மேலும் படிக்கவும்

பாரதியார் - பாரத சமுதாயம்

                               பாரதியார் - பாரத சமுதாயம் பெயர் : சுப்பிரமணிய பாரதி பெற்றோர் : சின்னசாமி ஐயர், லட்சுமி அம்மாள் பிறப்பு : 11.12.1882 இறப்பு : 11.09.1921 மனைவி : செல்லம்மாள் பாரதியார் என்றும் மகாகவி என்றும் போற்றப்படும் இவர் ஒரு கவிஞர், எழுத்தாளர், இதழியலாளர், சமூக சீர்த்திருத்தவாதி எனப் பல்வேறு பரிமாணங்களைக் கொண்டவர். சுப்பிரமணியன் என்ற இயற்பெயர் கொண்டவர். எட்டையபுரம் அரசசபையினரால் பாரதி என்ற பட்டம் பெற்றார். தமிழ், ஆங்கிலம், இந்தி, சமஸ்கிருதம் மற்றும் வங்காள மொழி ஆகியவற்றில் புலமை பெற்றவர். எட்டையபுர அரசவைக் கவிஞராக சிலகாலம் பணியாற்றினார். பிறகு மதுரை சேதுபதி பள்ளியில் தமிழ் ஆசிரியராக பணியாற்றினார். பிறகு சுதேசிய மித்திரன் என்ற பஇதழில் துணையாசிரியராக பணியாற்றினார். கல்கத்தாவில் தாதாபாய் நவ்ரோஜி தலைமையில் நடைபெற்ற மகா சபை கூட்டத்தில் கலந்து கொண்ட போது விவேகானந்தரின் சீடர் நிவேதிக்கா தேவியை சந்தித்தார். அவரிடம் ஆசி பெற்று அவரைத் தன் ஞானகுருவாக கொண்டார். 1907 ஆம் ஆண்டில் இந...
மேலும் படிக்கவும்

குற்றாலக் குறவஞ்சி - குறத்தி மலைவளம் கூறுதல்- பொருள்- விளக்கம்

  குற்றாலக் குறவஞ்சி - குறத்தி மலைவளம் கூறுதல் நூற்குறிப்பு:   குற்றாலம் என்பது தமிழகத்தில் தென்பகுதியில் உள்ள திருநெல்வேலி மாவட்டத்தின் தென்காசி வட்டாரத்தில் உள்ள ஊர் ஆகும். இந்த இடத்தில் குறும்பலா மரத்தின் அடியில் சிவபெருமான எழுந்து அருளி உள்ளான். இந்த இறைவனைத் தலைவனாகக் கொண்டு பாடப்பட்டது இந்நூல். நூலின் ஆசிரியர் திரிகூட  ராசப்பக் கவிராயர் ஆவார்.  இந்த நூலில் 128 பாடல்கள் உள்ளன . குறவஞ்சி நாடகம் என்று போற்றப்படும் இந்நூல் வடகரை  அரசனான சின்னணஞ்சாத் தேவரின் அவைப்புலவராக விளங்கிய திரிகூடராசப்பக் கவிராயர் என்பவரால் இயற்றப்பட்டது. இவர் தென்காசிக்கு அருகில் உள்ள மேலகரம் சார்ந்தவர். திருக்குற்றால நாதாரின் முன்னிமையில் அரங்கேற்றப்பட்ட இந்நூல் அன்றைய மதுரை மன்னனான முத்துவிஜரங்க சொக்கநாத நாயக்கரின் பாராட்டையும் பரிசையும் பெற்றது.     வானரங்கள் கனிகொடுத்து மந்தியொடு கொஞ்சும்    மந்தி சிந்து கனிகளுக்கு வான்கவிகள் கெஞ்சும் கானவர்கள் விழிஎறிந்து வானவரை அழைப்பார்    கமனசித்தர் வந்துவந்து காயசித்தி விளைப்பார் தேனருவித்...
மேலும் படிக்கவும்