அற்புதத் திருவந்தாதி -காரைக்காலம்மையார் - விளக்கம்

 

அற்புதத் திருவந்தாதி -காரைக்காலம்மையார் - விளக்கம்

 

பாடல் எண் 1 :

பிறந்து மொழிபயின்ற பின்னெல்லாங் காதல்

சிறந்துநின் சேவடியே சேர்ந்தேன் - நிறந்திகழும்

மைஞ்ஞான்ற கண்டத்து வானோர் பெருமானே

யெஞ்ஞான்று தீர்ப்ப திடர்.

 

பொருள்

 

பிறந்து மொழியை அறிந்து பேசத்  தொடங்கிய காலம் முதல் எக்காலமும் அன்புடன் உனது திருவடியினையே சேர்ந்தேன்.  நஞ்சு கலந்த அமுதத்தைப் பருக்கியதால் கருமையான கண்டத்தை உடைய  இறைவனே  எனது துன்பத்தைத் தீர்ப்பது எப்போது?.  

 

பாடல் எண்  2

இடர்களையா ரேனு மெமக்கிரங்கா ரேனும்

படரு நெறிபணியா ரேனுஞ் - சுடருருவில்

என்பறாக் கோலத் தெரியாடு மெம்மானார்க்

கன்பறா தென்னெஞ் சவர்க்கு.

 

விளக்கம்

 

எனது இறைவன் எனக்குப் பிறவித்துன்பத்தை நீக்கலாம். அவ்வாறு நீக்காவிடினும் பரவாயில்லை . என்மேல் இரக்கம் வைக்கலாம் .  அது செய்யாவிடினும்  நான் செல்ல வேண்டிய நெறியினையேனும் பணிக்கலாம்.இவை எதுவுமே செய்யவில்லை எனினும்  என் நெஞ்சம்  அவரிடம் கொண்ட அன்பு என்றும் நீங்காது.

 

பாடல் எண்  3

அவர்க்கே யெழுபிறப்பு மாளாவோ; மென்றும்

அவர்க்கேநா மன்பரவ தல்லாற் - பவர்ச்சடைமே

பாகாப்போழ் சூடு மவர்க்கல்லான் மற்றொருவர்க்

காகாப்போ மெஞ்ஞான்று மாள்.

விளக்கம்

சடை முடி மேல் பிறை நிலவைச் சூடும் சிவபெருமானுக்கே ஏழு  பிறவிக்கும்  நாம் ஆளாவோம்.  அவனையன்றி எந்நாளும்  பிறரைத் தொழுது  ஆளாக மாட்டோம் .

பாடல் எண் 4

ஆளானோ மல்ல லறிய முறையிட்டாற்

கேளாத தென்கொலோ? கேளாமை - நீளாகஞ்

செம்மையா னாகித் திருமிடறு மற்றொன்றாம்

எம்மையாட் கொண்ட விறை. 

விளக்கம்

நீண்ட திருமேனி முழுதும் செம்மை 

நிறத்திலும்   மிடறு மட்டும்  கரியதாய் 

வேறு நிறத்திலும் இருக்கும் இறைவனே, 

எங்கள் எங்கள் துன்பத்தை அறியும்படி 

முறையிட்டாலும்  எங்களை ஆளாகக் 

கொண்ட இறைவன்  கேளாத காரணம் என்ன. ?

 

பாடல் எண் 5

இறைவனே யெவ்வுயிருந் தோற்றுவிப்பான்; றோற்றி

யிறைவனே யீண்டிறக்கஞ் செய்வா - னிறைவனே

"யெந்தா!" யெனவிரங்கு மெங்கண்மேல் வெந்துயரம்

வந்தா லதுமாற்று வான்.


விளக்கம்

சிவபெருமானே எல்லா உயிர்களையும் பிறக்கச்  செய்வான் .  அவ்வாறு உருவாக்கிய  உயிர்களை இறக்கும்படி செய்பவனும் அவனே. எமது தந்தையே  என்று அவனை  நோக்கி இரங்கி நிற்கும் எங்களுக்குக் கொடிய துயரம் வந்தால் அதனை மாற்றுபவனும் அந்த இறைவனே ஆவான்.  

 

 

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

முத்தொள்ளாயிரம்- சேரர் - சோழர் - பாண்டியர்

                      முத்தொள்ளாயிரம் சங்க மருவிய காலத்து இலக்கியம். சங்க கால அகப்புற மரபுகளை ஒட்டி எழுதப்பட்ட இந்நூல் 3 x 300 மொத்தம் 900 பாடல்கள் என்ற பொருள் கொண்டு இதில் 2700 பாடல்கள் இருந்தன என்பர் ஒரு சாரார். மூவேந்தர்களைப் பற்றிய 300 பாடல்கள் மூலம் (3 x 300) மொத்தம் 900 பாடல்கள் மட்டுமே இருந்தன என்பர் ஒரு சாரார். ஆனால் இன்று 130 பாடல்கள் மட்டுமே கிடைத்துள்ளன. பாண்டியன் 1.         புகழ்               பார்படுப   செம்பொன் பதிபடுப முத்தமிழ்நூல் நீர்படுப வெண்சங்கும் நித்திலமும் – சாரல் மலைபடுப யானை வயமாறன் கூர்வேல் தலைபடுப தார்வேந்தர் மார்பு.   பொருள் : பாண்டிய நாட்டின் மண்ணுக்குள் பொன் இருக்கும். அவனுடைய தலைநகர் மதுரையில் முத்தமிழ்ச் சங்கம் இருக்கும். அவனுடைய கொற்கைக் கடலில் வெண்ணிறச் சங்கும் முத்தும் கிடைக்கும். அவனுடைய பொதிகை மலைச் சாரலில் யானைகள் இருக்கும். இப்படிப்பட்ட வளமெல்லாம் நிறைந்த வலிமை மிக்க பாண்டி...
மேலும் படிக்கவும்

பாரதியார் - பாரத சமுதாயம்

                               பாரதியார் - பாரத சமுதாயம் பெயர் : சுப்பிரமணிய பாரதி பெற்றோர் : சின்னசாமி ஐயர், லட்சுமி அம்மாள் பிறப்பு : 11.12.1882 இறப்பு : 11.09.1921 மனைவி : செல்லம்மாள் பாரதியார் என்றும் மகாகவி என்றும் போற்றப்படும் இவர் ஒரு கவிஞர், எழுத்தாளர், இதழியலாளர், சமூக சீர்த்திருத்தவாதி எனப் பல்வேறு பரிமாணங்களைக் கொண்டவர். சுப்பிரமணியன் என்ற இயற்பெயர் கொண்டவர். எட்டையபுரம் அரசசபையினரால் பாரதி என்ற பட்டம் பெற்றார். தமிழ், ஆங்கிலம், இந்தி, சமஸ்கிருதம் மற்றும் வங்காள மொழி ஆகியவற்றில் புலமை பெற்றவர். எட்டையபுர அரசவைக் கவிஞராக சிலகாலம் பணியாற்றினார். பிறகு மதுரை சேதுபதி பள்ளியில் தமிழ் ஆசிரியராக பணியாற்றினார். பிறகு சுதேசிய மித்திரன் என்ற பஇதழில் துணையாசிரியராக பணியாற்றினார். கல்கத்தாவில் தாதாபாய் நவ்ரோஜி தலைமையில் நடைபெற்ற மகா சபை கூட்டத்தில் கலந்து கொண்ட போது விவேகானந்தரின் சீடர் நிவேதிக்கா தேவியை சந்தித்தார். அவரிடம் ஆசி பெற்று அவரைத் தன் ஞானகுருவாக கொண்டார். 1907 ஆம் ஆண்டில் இந...
மேலும் படிக்கவும்

குற்றாலக் குறவஞ்சி - குறத்தி மலைவளம் கூறுதல்- பொருள்- விளக்கம்

  குற்றாலக் குறவஞ்சி - குறத்தி மலைவளம் கூறுதல் நூற்குறிப்பு:   குற்றாலம் என்பது தமிழகத்தில் தென்பகுதியில் உள்ள திருநெல்வேலி மாவட்டத்தின் தென்காசி வட்டாரத்தில் உள்ள ஊர் ஆகும். இந்த இடத்தில் குறும்பலா மரத்தின் அடியில் சிவபெருமான எழுந்து அருளி உள்ளான். இந்த இறைவனைத் தலைவனாகக் கொண்டு பாடப்பட்டது இந்நூல். நூலின் ஆசிரியர் திரிகூட  ராசப்பக் கவிராயர் ஆவார்.  இந்த நூலில் 128 பாடல்கள் உள்ளன . குறவஞ்சி நாடகம் என்று போற்றப்படும் இந்நூல் வடகரை  அரசனான சின்னணஞ்சாத் தேவரின் அவைப்புலவராக விளங்கிய திரிகூடராசப்பக் கவிராயர் என்பவரால் இயற்றப்பட்டது. இவர் தென்காசிக்கு அருகில் உள்ள மேலகரம் சார்ந்தவர். திருக்குற்றால நாதாரின் முன்னிமையில் அரங்கேற்றப்பட்ட இந்நூல் அன்றைய மதுரை மன்னனான முத்துவிஜரங்க சொக்கநாத நாயக்கரின் பாராட்டையும் பரிசையும் பெற்றது.     வானரங்கள் கனிகொடுத்து மந்தியொடு கொஞ்சும்    மந்தி சிந்து கனிகளுக்கு வான்கவிகள் கெஞ்சும் கானவர்கள் விழிஎறிந்து வானவரை அழைப்பார்    கமனசித்தர் வந்துவந்து காயசித்தி விளைப்பார் தேனருவித்...
மேலும் படிக்கவும்