ஒரு கடிதம் அனாதையாகிவிட்டது கவிஞர் மு.மேத்தா -விளக்கம்

 

ஒரு கடிதம் அனாதையாகிவிட்டது

 கவிஞர் மு.மேத்தா

முகவரி

சரியாக எழுதப்படாத

ஒரு கடிதம்

எங்கெங்கோ சென்று

முட்டி மோதி அலைந்துவிட்டு

என்னிடமே திரும்பி விட்டது.

ஒரு கடிதம் அனாதையாகிவிட்டது!

சேரும் முகவரி சரியில்லை

அனுப்பிய முகவரி அதில் இல்லை

பற்பல ஊர்களின்

முத்திரை பதிந்தது !

பற்பல தெருக்களில்

விசாரணை நடந்தது!

பற்பல தினங்கள்

பறந்து கடந்தது!

பிறந்த இடத்தின்

பெயரே இல்லை!

புகுந்த இடமோ

புரியவில்லை!

அந்தக் கடிதத்தை

அஞ்சல் நிலையங்கள்

ஆராய்கள் செய்தன!

ஒட்டியிருந்த

உறையின் உள்ளே

இருந்த தாளில்

எழுதியிருந்தது இப்படி!

“ஒருவாரத்திற்குள்

உங்கள் பதில் வரவேண்டும்

இல்லாவிட்டால்

உயிர்ப் பறவை சிறகடிக்கும்

கடைசி முத்தமிட என்

கல்லறைக்கு வரலாம்”.


விளக்கம்

கடிதம் என்பது வெறும் காகிதம் மட்டும் இல்லை. அது ஒருவரின் மன வெளிப்பாடு. அதில் சேர வேண்டிய முகவரியும், அனுப்புபவரின் முகவரியும் தெளிவாக எழுதப்படவில்லையெனில் அக்கடிதம் உரியவரிடம் சேராமல் அஞ்சல் நிலையங்களையே சுற்றி வரும். சில நேரங்களில் அனுப்பியவருக்கே போய்ச் சேர்ந்து விடும் . அப்படி அனுப்பியவருக்கும் போகாமல்,போய்ச் சேர வேண்டியவருக்கும் போகாமல் போன கடிதம் ஒன்றைப் பற்றி ஆசிரியர் இங்கு குறிப்பிடுகின்றார் .

காதல் கொண்ட ஒருவர் , தன் காதலை ஏற்றுக் கொள்ள வேண்டுமென்று கடிதம் எழுதுகின்றார் . அவசரத்தில் முகவரியைச் சரியாக எழுதவில்லை. தன் முகவரியையும் தெளிவாகக் குறிப்பிடவில்லை. கடிதத்தை அப்படியே கொண்டு போய் அஞ்சல் நிலையத்தில் சேர்த்து விட்டார் .

முகவரி சரியாக எழுதப்படாததால், அக்கடிதம் எங்கெங்கோ சென்றது. பல ஊர்களுக்குப் பயணித்தது . பல அஞ்சல் நிலையங்களின் முத்திரையை ஏற்றுக்கொண்டது. தெருக்கள் தோறும் அக்கடிதம் குறித்து தீவிர விசாரணை நடந்தது. நாட்கள் பல கடந்து சென்றன. யார் எழுதியது என்பது மட்டும் தெரியவில்லை. யாருக்கு எழுதியது என்பதும் யாருக்கும் புரியவில்லை. அஞ்சல் நிலையங்கள் அக்கடித்தை ஆராய்ச்சி செய்து தோல்வியடைந்தன. உள்ளிருக்கும் செய்தியை வைத்தாவது அனுப்பியவருக்கோ அல்லது போய் சேர வேண்டிய முகவரிக்கோ  அனுப்பலாம்  என்றுபிரித்துப் படிக்க முயற்சி செய்தனர் அஞ்சல் நிலையத்தினர் .

அப்படி பிரித்துப் படிக் கையில் கடிதத்தின் உள்ளே ஒருவாரத்திற்குள் உங்கள் பதில் வரவேண்டும். இல்லாவிட்டால்  உயிர்ப் பறவை சிறகடிக்கும்.  கடைசி முத்தமிட என் கல்லறைக்கு வரலாம் என்று எழுதியிருந்தது. அனுப்பியவருக்கும் போகாமல்  , உரியவரிடமும்  சேராமல் அனாதையாகிவிட்டது .

 

 

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

முத்தொள்ளாயிரம்- சேரர் - சோழர் - பாண்டியர்

                      முத்தொள்ளாயிரம் சங்க மருவிய காலத்து இலக்கியம். சங்க கால அகப்புற மரபுகளை ஒட்டி எழுதப்பட்ட இந்நூல் 3 x 300 மொத்தம் 900 பாடல்கள் என்ற பொருள் கொண்டு இதில் 2700 பாடல்கள் இருந்தன என்பர் ஒரு சாரார். மூவேந்தர்களைப் பற்றிய 300 பாடல்கள் மூலம் (3 x 300) மொத்தம் 900 பாடல்கள் மட்டுமே இருந்தன என்பர் ஒரு சாரார். ஆனால் இன்று 130 பாடல்கள் மட்டுமே கிடைத்துள்ளன. பாண்டியன் 1.         புகழ்               பார்படுப   செம்பொன் பதிபடுப முத்தமிழ்நூல் நீர்படுப வெண்சங்கும் நித்திலமும் – சாரல் மலைபடுப யானை வயமாறன் கூர்வேல் தலைபடுப தார்வேந்தர் மார்பு.   பொருள் : பாண்டிய நாட்டின் மண்ணுக்குள் பொன் இருக்கும். அவனுடைய தலைநகர் மதுரையில் முத்தமிழ்ச் சங்கம் இருக்கும். அவனுடைய கொற்கைக் கடலில் வெண்ணிறச் சங்கும் முத்தும் கிடைக்கும். அவனுடைய பொதிகை மலைச் சாரலில் யானைகள் இருக்கும். இப்படிப்பட்ட வளமெல்லாம் நிறைந்த வலிமை மிக்க பாண்டி...
மேலும் படிக்கவும்

பாரதியார் - பாரத சமுதாயம்

                               பாரதியார் - பாரத சமுதாயம் பெயர் : சுப்பிரமணிய பாரதி பெற்றோர் : சின்னசாமி ஐயர், லட்சுமி அம்மாள் பிறப்பு : 11.12.1882 இறப்பு : 11.09.1921 மனைவி : செல்லம்மாள் பாரதியார் என்றும் மகாகவி என்றும் போற்றப்படும் இவர் ஒரு கவிஞர், எழுத்தாளர், இதழியலாளர், சமூக சீர்த்திருத்தவாதி எனப் பல்வேறு பரிமாணங்களைக் கொண்டவர். சுப்பிரமணியன் என்ற இயற்பெயர் கொண்டவர். எட்டையபுரம் அரசசபையினரால் பாரதி என்ற பட்டம் பெற்றார். தமிழ், ஆங்கிலம், இந்தி, சமஸ்கிருதம் மற்றும் வங்காள மொழி ஆகியவற்றில் புலமை பெற்றவர். எட்டையபுர அரசவைக் கவிஞராக சிலகாலம் பணியாற்றினார். பிறகு மதுரை சேதுபதி பள்ளியில் தமிழ் ஆசிரியராக பணியாற்றினார். பிறகு சுதேசிய மித்திரன் என்ற பஇதழில் துணையாசிரியராக பணியாற்றினார். கல்கத்தாவில் தாதாபாய் நவ்ரோஜி தலைமையில் நடைபெற்ற மகா சபை கூட்டத்தில் கலந்து கொண்ட போது விவேகானந்தரின் சீடர் நிவேதிக்கா தேவியை சந்தித்தார். அவரிடம் ஆசி பெற்று அவரைத் தன் ஞானகுருவாக கொண்டார். 1907 ஆம் ஆண்டில் இந...
மேலும் படிக்கவும்

குற்றாலக் குறவஞ்சி - குறத்தி மலைவளம் கூறுதல்- பொருள்- விளக்கம்

  குற்றாலக் குறவஞ்சி - குறத்தி மலைவளம் கூறுதல் நூற்குறிப்பு:   குற்றாலம் என்பது தமிழகத்தில் தென்பகுதியில் உள்ள திருநெல்வேலி மாவட்டத்தின் தென்காசி வட்டாரத்தில் உள்ள ஊர் ஆகும். இந்த இடத்தில் குறும்பலா மரத்தின் அடியில் சிவபெருமான எழுந்து அருளி உள்ளான். இந்த இறைவனைத் தலைவனாகக் கொண்டு பாடப்பட்டது இந்நூல். நூலின் ஆசிரியர் திரிகூட  ராசப்பக் கவிராயர் ஆவார்.  இந்த நூலில் 128 பாடல்கள் உள்ளன . குறவஞ்சி நாடகம் என்று போற்றப்படும் இந்நூல் வடகரை  அரசனான சின்னணஞ்சாத் தேவரின் அவைப்புலவராக விளங்கிய திரிகூடராசப்பக் கவிராயர் என்பவரால் இயற்றப்பட்டது. இவர் தென்காசிக்கு அருகில் உள்ள மேலகரம் சார்ந்தவர். திருக்குற்றால நாதாரின் முன்னிமையில் அரங்கேற்றப்பட்ட இந்நூல் அன்றைய மதுரை மன்னனான முத்துவிஜரங்க சொக்கநாத நாயக்கரின் பாராட்டையும் பரிசையும் பெற்றது.     வானரங்கள் கனிகொடுத்து மந்தியொடு கொஞ்சும்    மந்தி சிந்து கனிகளுக்கு வான்கவிகள் கெஞ்சும் கானவர்கள் விழிஎறிந்து வானவரை அழைப்பார்    கமனசித்தர் வந்துவந்து காயசித்தி விளைப்பார் தேனருவித்...
மேலும் படிக்கவும்