சிறப்புத்தமிழ்-கெடுக சிந்தை; கடிது இவள் துணிவே - ஒக்கூர் மாசாத்தியார்

 

                   புறநானூறு

 புறநானூறு என்னும் தொகைநூல் நானூறு பாடல்களைக் கொண்டது.  

புறத்திணை சார்ந்த இந்நூல்  புறம், புறப்பாட்டு என்றும் வழங்கப்படும். இது 

எட்டுத்தொகை நூல்களில் புறநூல்களுள் ஒன்று. இந்நூலைத் தொகுத்தவர் 

பெயரும், தொகுப்பித்தவர் பெயரும் தெரியவில்லை. இந்நூலின் பாக்கள் 4 

அடி முதல் 40 அடி வரையிலான ஆசிரியப்பாவால் அமைந்து உள்ளன. 

புறநானூற்றின் பாடல்கள் சங்ககாலத்தில் ஆண்ட அரசர்களைப் பற்றியும் 

மக்களின் சமூக வாழ்க்கை பற்றியும் எடுத்துரைக்கின்றன. இதனை ஜி. யு. 

போப் அவர்கள் ஆங்கிலத்தில் மொழிபெயர்த்துள்ளார். 

 

    கெடுக சிந்தை; கடிது இவள் துணிவே - ஒக்கூர் மாசாத்தியார்

 

கெடுக சிந்தை; கடிது இவள் துணிவே;

மூதில் மகளிர் ஆதல் தகுமே:

மேல்நாள் உற்ற செருவிற்கு இவள் தன்னை,

யானை எறிந்து, களத்து ஒழிந்தனனே;

நெருநல் உற்ற செருவிற்கு இவள் கொழுநன்,

பெரு நிரை விலங்கி, ஆண்டுப் பட்டனனே;

இன்றும், செருப் பறை கேட்டு, விருப்புற்று, மயங்கி,

வேல் கைக் கொடுத்து, வெளிது விரித்து உடீஇ,

பாறு மயிர்க் குடுமி எண்ணெய் நீவி,

ஒரு மகன் அல்லது இல்லோள்,

'செருமுகம் நோக்கிச் செல்க' என விடுமே!

திணை- வாகை . வெற்றி பெற்ற அரசனும் அவனது வீரர்களும்

 வெற்றியின் அடையாளமான வாகைப்பூவைச் சூடி வெற்றியைக்

 கொண்டாடுதலைக் குறிக்கும்;

துறை- மூதில் முல்லை. மறவர்க்கு மட்டுமின்றி அந்த மறக்குடியில் வந்த

 மடப்பத்தினையுடைய மகளிர்க்கும் மறம் உண்டு என மிகுத்துக் கூறுவது

 மூதின் முல்லை எனப்படும். என்று புறப்பொருள் வெண்பாமாலை

 குறிப்பிடுகிறது.

பொருள் விளக்கம்  

Ø  நேற்றைக்கு முந்தைய நாள்  நடந்த போரில் இவளது அண்ணன் பகைவரின் 

யானையை வீழ்த்திய பின் போரில் போர்க்களத்திலேயே மாண்டான்.

Ø  நேற்று நடந்த போரில் இவளது கணவன் பகைவரின் அணிவகுப்பு பிளவு 

படும்படி விலக்கிக்கொண்டு முன்னேறி அங்கேயே மாண்டான்.

Ø  இன்றும் போர்ப்பறை ஒலி கேட்டவுடன் ஏதாவது செய்யவேண்டும் 

     என்னும் ஆவலுடன் எண்ணிப்பார்த்து, தன் ஒரே ஒரு மகனை, இளம் 

பிள்ளையை, பரந்துகிடந்த அவன் தலைமுடியை எண்ணெய் வைத்துச் சீவி 

முடித்து, வெண்ணிற ஆடையை உடுத்திவிட்டு, வேலைக் கையிலே

 கொடுத்து, “போர்க்களம் நோக்கிச் செல்க” என்று கூறி அனுப்பிவைக்கிறாளே!

Ø   இவள் எண்ணம் கெட்டொழியட்டும். இவளது துணிவான செயல்

 கடுமையானது.

இவள் மூதில் மகளிருள் ஒருத்தியாக இருத்தல் வேண்டும்.இவளது

 கடுமையான எண்ணம் கெட்டொழியட்டும் .

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

முத்தொள்ளாயிரம்- சேரர் - சோழர் - பாண்டியர்

                      முத்தொள்ளாயிரம் சங்க மருவிய காலத்து இலக்கியம். சங்க கால அகப்புற மரபுகளை ஒட்டி எழுதப்பட்ட இந்நூல் 3 x 300 மொத்தம் 900 பாடல்கள் என்ற பொருள் கொண்டு இதில் 2700 பாடல்கள் இருந்தன என்பர் ஒரு சாரார். மூவேந்தர்களைப் பற்றிய 300 பாடல்கள் மூலம் (3 x 300) மொத்தம் 900 பாடல்கள் மட்டுமே இருந்தன என்பர் ஒரு சாரார். ஆனால் இன்று 130 பாடல்கள் மட்டுமே கிடைத்துள்ளன. பாண்டியன் 1.         புகழ்               பார்படுப   செம்பொன் பதிபடுப முத்தமிழ்நூல் நீர்படுப வெண்சங்கும் நித்திலமும் – சாரல் மலைபடுப யானை வயமாறன் கூர்வேல் தலைபடுப தார்வேந்தர் மார்பு.   பொருள் : பாண்டிய நாட்டின் மண்ணுக்குள் பொன் இருக்கும். அவனுடைய தலைநகர் மதுரையில் முத்தமிழ்ச் சங்கம் இருக்கும். அவனுடைய கொற்கைக் கடலில் வெண்ணிறச் சங்கும் முத்தும் கிடைக்கும். அவனுடைய பொதிகை மலைச் சாரலில் யானைகள் இருக்கும். இப்படிப்பட்ட வளமெல்லாம் நிறைந்த வலிமை மிக்க பாண்டி...
மேலும் படிக்கவும்

பாரதியார் - பாரத சமுதாயம்

                               பாரதியார் - பாரத சமுதாயம் பெயர் : சுப்பிரமணிய பாரதி பெற்றோர் : சின்னசாமி ஐயர், லட்சுமி அம்மாள் பிறப்பு : 11.12.1882 இறப்பு : 11.09.1921 மனைவி : செல்லம்மாள் பாரதியார் என்றும் மகாகவி என்றும் போற்றப்படும் இவர் ஒரு கவிஞர், எழுத்தாளர், இதழியலாளர், சமூக சீர்த்திருத்தவாதி எனப் பல்வேறு பரிமாணங்களைக் கொண்டவர். சுப்பிரமணியன் என்ற இயற்பெயர் கொண்டவர். எட்டையபுரம் அரசசபையினரால் பாரதி என்ற பட்டம் பெற்றார். தமிழ், ஆங்கிலம், இந்தி, சமஸ்கிருதம் மற்றும் வங்காள மொழி ஆகியவற்றில் புலமை பெற்றவர். எட்டையபுர அரசவைக் கவிஞராக சிலகாலம் பணியாற்றினார். பிறகு மதுரை சேதுபதி பள்ளியில் தமிழ் ஆசிரியராக பணியாற்றினார். பிறகு சுதேசிய மித்திரன் என்ற பஇதழில் துணையாசிரியராக பணியாற்றினார். கல்கத்தாவில் தாதாபாய் நவ்ரோஜி தலைமையில் நடைபெற்ற மகா சபை கூட்டத்தில் கலந்து கொண்ட போது விவேகானந்தரின் சீடர் நிவேதிக்கா தேவியை சந்தித்தார். அவரிடம் ஆசி பெற்று அவரைத் தன் ஞானகுருவாக கொண்டார். 1907 ஆம் ஆண்டில் இந...
மேலும் படிக்கவும்

குற்றாலக் குறவஞ்சி - குறத்தி மலைவளம் கூறுதல்- பொருள்- விளக்கம்

  குற்றாலக் குறவஞ்சி - குறத்தி மலைவளம் கூறுதல் நூற்குறிப்பு:   குற்றாலம் என்பது தமிழகத்தில் தென்பகுதியில் உள்ள திருநெல்வேலி மாவட்டத்தின் தென்காசி வட்டாரத்தில் உள்ள ஊர் ஆகும். இந்த இடத்தில் குறும்பலா மரத்தின் அடியில் சிவபெருமான எழுந்து அருளி உள்ளான். இந்த இறைவனைத் தலைவனாகக் கொண்டு பாடப்பட்டது இந்நூல். நூலின் ஆசிரியர் திரிகூட  ராசப்பக் கவிராயர் ஆவார்.  இந்த நூலில் 128 பாடல்கள் உள்ளன . குறவஞ்சி நாடகம் என்று போற்றப்படும் இந்நூல் வடகரை  அரசனான சின்னணஞ்சாத் தேவரின் அவைப்புலவராக விளங்கிய திரிகூடராசப்பக் கவிராயர் என்பவரால் இயற்றப்பட்டது. இவர் தென்காசிக்கு அருகில் உள்ள மேலகரம் சார்ந்தவர். திருக்குற்றால நாதாரின் முன்னிமையில் அரங்கேற்றப்பட்ட இந்நூல் அன்றைய மதுரை மன்னனான முத்துவிஜரங்க சொக்கநாத நாயக்கரின் பாராட்டையும் பரிசையும் பெற்றது.     வானரங்கள் கனிகொடுத்து மந்தியொடு கொஞ்சும்    மந்தி சிந்து கனிகளுக்கு வான்கவிகள் கெஞ்சும் கானவர்கள் விழிஎறிந்து வானவரை அழைப்பார்    கமனசித்தர் வந்துவந்து காயசித்தி விளைப்பார் தேனருவித்...
மேலும் படிக்கவும்