ஏற்றப்பாட்டு - பிள்ளையாரே வாரும்

                                                    ஏற்றப்பாட்டு


நாட்டுப் புறப் பாடல் வகைகளுள் ஏற்றப்பாட்டு தனிச் சிறப்பு

வாய்ந்தது. வேளாண் தொழிலில் விதை விதைத்து நீர் பாய்ச்சி

களையெடுத்து கதிர் அறுத்து போரடித்து வண்டியில் ஏற்றிச் சொல்லும் வரை

பல வளர்ச்சிப் படிகள் உள்ளன. பழங்காலத்தில் ஆறு மற்றும் வாய்க்கால்

பாசனம் இல்லாத இடங்களில் கிணற்றிலிருந்து தண்ணீரை ஏற்றத்தின்

மூலமாகவே அதிகாலையில் இறைத்து நீர்ப் பாய்ச்சினர். இவ்வாறு ஏற்றம்

இறைக்கும் போது பாடப்படும் பாடல் ஏற்றப்பாட்டு என்றழைககப்படும்.

ஏற்றத்தின் கீழே சாலைப் பிடித்துக் கவிழ்ப்பவர் பாடலின் ஒவ்வொரு

அடியையும் பாடுவார். ஏற்றத்தின் மிதி மரத்தில் இருப்போர் ஒன்றாகச்

செர்ந்து அவ்வடியைத் திரும்பப் பாடுவர். மிதி மரத்தில் இருப்போர் பாடி

முடித்தபின் அடுத்த அடியைச் சால் பிடிப்பவர் பாட வேண்டும். இவ்வாறு

ஒரு ஒழுங்கு முறையில் அமைந்து இப்பாடல் காணப்படும். இதனாலேயே

ஏற்றப்பாட்டிற்கு எதிர்ப்பாட்டில்லை என்பர்.


                            பிள்ளையாரே வாரும் பெருமாளே வாரும்


பிள்ளையாரே வாரும் பெருமாளே வாரும்

சிவனாரே வாரும் வேலவரே வாரும்

சிவனும் பெருமாளும் சேர்ந்து ரதமேற

அரியும் சிவனும் அமர்ந்து மலலேற

குருவும் பெருமாளும் கூடி ரதமேற

பொற்கொடையும் தேரும் போக வர வேணும்

*அறுவதியா லொண்ணு

அறுவதியா ரெண்டு

அறுவதயா மூணு

அறுவதியா நாலு

அறுவதியா லஞ்சி

அறுவதியா லாறு

அறுவதியா லேழு

அறுவதியா லெட்டு

ஆரணி நடுவ

தாம்பர நடுவ

வேலூரு நடுவ வெத்தல கிடங்கு

வெள்ள வெத்தலயோ

வேலங் களிப்பாக்கே

சுண்ணாம்பு கடையும்

சோனகத் தெருவும்

போனவன் திரும்ப

போட்டாளே மருந்த

போட்டாளே மருந்த

பொடி மருந்து கள்ளி

கள்ளி மருந்தாலே

கருத்த மறந்தேனே

தாசி மருந்தாலே தாய மறந்தேனே

வேசி மருந்தாலே

வீட்டை மறந்தேனே

பாயி மருந்தாலே பாசத்த மறந்தேனே

அண்ணன் தம்பி எல்லாம்

அடுத்தப் பகையானேன்

கூட்டாளி மார்க் கெல்லாம்

கொல்லும் பகையானேன்

மாமன் மைத்துனர்க் கெல்லாம்

மனது பகை யானேன்

சுற்றத் தார்க் கெல்லாம்

உற்ற பகை யானேன்

தாசிகளைக் கண்டா தல மறஞ்சி வாடா

வேசிகளைக் கண்டா வழி விலகி வாடா

ஏழு மல வாசா எளய பெருமாளே

எழுதும் மணவாளா

எங்கள நீ காரும்

எழுபதியா லொண்ணு

எழுபதியா ரெண்டு

எழுபதியா மூணு

எழுபதியா நாலு

எழுபதியா லஞ்சி

எழுபதியா லாறு

எழுபதியா லேழு

எழுபதியா லெட்டு

எட நாட்டு இடையா

கடா ஓட்டி வாடா

மல நாட்டு இடையா

மந்த ஓட்டி வாடா

எட நாடு தூரம் கடா வராதய்யா

மல நாடு தூரம் மந்த வராதய்யா

குட்டியாடு ரொம்ப

கூட வரா தய்யா

குட்டியாடு சொம்ப

கூட வரா தய்யா

மொட்ட ஆடு ரொம்ப

மோடு ஏறா தய்யா

மாசி மல கந்தா

மயிலேறும் முருகா

மலப் பழனி வேலா

மங்க மணவாளா

வளரும் பிள்ளையாரே

காரும் பகவானே

ஏத்த முகம் பாரும் எங்கள நீ காரும்

பிள்ளையாரைப் பாடி

பிடித்தன் கையில் கோல

ஆனை முகனைப் பாடி

அனைத்தும் இறைச்சனே

விநாயகனைப் பாடி

விட்டுவிடப் போறந்

கணபதியைப் பாடி கரை ஏறப் போறன்

ஒண்ணே ரகு ராமா

ரெண்டே ரகு ராமா

மூணே ரகு ராமா

நாலே ரகு ராமா

அஞ்சே ரகு ராமா


ஒரு பதியால் ஒண்ணு, இருபதியால் ஒண்ணு எனக் கணக்கிடும் முறையில்

நூறு சால் வரை இறைக்கும் நீரின் அளவு ஒரு பரியம் என்பர். ஆயிர்ம் சால்

இறைக்கும் நீரின் அளவு பத்துப் பரியம் என்று கணக்கிடப்படும். 500

சால்கள் நீர் இறைத்தால் ஒரு குழி (60 சென்ட் ) நீர் வளம் பெறும் என்பது

மூத்தோர் கணக்காகும்.



கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

முத்தொள்ளாயிரம்- சேரர் - சோழர் - பாண்டியர்

                      முத்தொள்ளாயிரம் சங்க மருவிய காலத்து இலக்கியம். சங்க கால அகப்புற மரபுகளை ஒட்டி எழுதப்பட்ட இந்நூல் 3 x 300 மொத்தம் 900 பாடல்கள் என்ற பொருள் கொண்டு இதில் 2700 பாடல்கள் இருந்தன என்பர் ஒரு சாரார். மூவேந்தர்களைப் பற்றிய 300 பாடல்கள் மூலம் (3 x 300) மொத்தம் 900 பாடல்கள் மட்டுமே இருந்தன என்பர் ஒரு சாரார். ஆனால் இன்று 130 பாடல்கள் மட்டுமே கிடைத்துள்ளன. பாண்டியன் 1.         புகழ்               பார்படுப   செம்பொன் பதிபடுப முத்தமிழ்நூல் நீர்படுப வெண்சங்கும் நித்திலமும் – சாரல் மலைபடுப யானை வயமாறன் கூர்வேல் தலைபடுப தார்வேந்தர் மார்பு.   பொருள் : பாண்டிய நாட்டின் மண்ணுக்குள் பொன் இருக்கும். அவனுடைய தலைநகர் மதுரையில் முத்தமிழ்ச் சங்கம் இருக்கும். அவனுடைய கொற்கைக் கடலில் வெண்ணிறச் சங்கும் முத்தும் கிடைக்கும். அவனுடைய பொதிகை மலைச் சாரலில் யானைகள் இருக்கும். இப்படிப்பட்ட வளமெல்லாம் நிறைந்த வலிமை மிக்க பாண்டி...
மேலும் படிக்கவும்

பாரதியார் - பாரத சமுதாயம்

                               பாரதியார் - பாரத சமுதாயம் பெயர் : சுப்பிரமணிய பாரதி பெற்றோர் : சின்னசாமி ஐயர், லட்சுமி அம்மாள் பிறப்பு : 11.12.1882 இறப்பு : 11.09.1921 மனைவி : செல்லம்மாள் பாரதியார் என்றும் மகாகவி என்றும் போற்றப்படும் இவர் ஒரு கவிஞர், எழுத்தாளர், இதழியலாளர், சமூக சீர்த்திருத்தவாதி எனப் பல்வேறு பரிமாணங்களைக் கொண்டவர். சுப்பிரமணியன் என்ற இயற்பெயர் கொண்டவர். எட்டையபுரம் அரசசபையினரால் பாரதி என்ற பட்டம் பெற்றார். தமிழ், ஆங்கிலம், இந்தி, சமஸ்கிருதம் மற்றும் வங்காள மொழி ஆகியவற்றில் புலமை பெற்றவர். எட்டையபுர அரசவைக் கவிஞராக சிலகாலம் பணியாற்றினார். பிறகு மதுரை சேதுபதி பள்ளியில் தமிழ் ஆசிரியராக பணியாற்றினார். பிறகு சுதேசிய மித்திரன் என்ற பஇதழில் துணையாசிரியராக பணியாற்றினார். கல்கத்தாவில் தாதாபாய் நவ்ரோஜி தலைமையில் நடைபெற்ற மகா சபை கூட்டத்தில் கலந்து கொண்ட போது விவேகானந்தரின் சீடர் நிவேதிக்கா தேவியை சந்தித்தார். அவரிடம் ஆசி பெற்று அவரைத் தன் ஞானகுருவாக கொண்டார். 1907 ஆம் ஆண்டில் இந...
மேலும் படிக்கவும்

குற்றாலக் குறவஞ்சி - குறத்தி மலைவளம் கூறுதல்- பொருள்- விளக்கம்

  குற்றாலக் குறவஞ்சி - குறத்தி மலைவளம் கூறுதல் நூற்குறிப்பு:   குற்றாலம் என்பது தமிழகத்தில் தென்பகுதியில் உள்ள திருநெல்வேலி மாவட்டத்தின் தென்காசி வட்டாரத்தில் உள்ள ஊர் ஆகும். இந்த இடத்தில் குறும்பலா மரத்தின் அடியில் சிவபெருமான எழுந்து அருளி உள்ளான். இந்த இறைவனைத் தலைவனாகக் கொண்டு பாடப்பட்டது இந்நூல். நூலின் ஆசிரியர் திரிகூட  ராசப்பக் கவிராயர் ஆவார்.  இந்த நூலில் 128 பாடல்கள் உள்ளன . குறவஞ்சி நாடகம் என்று போற்றப்படும் இந்நூல் வடகரை  அரசனான சின்னணஞ்சாத் தேவரின் அவைப்புலவராக விளங்கிய திரிகூடராசப்பக் கவிராயர் என்பவரால் இயற்றப்பட்டது. இவர் தென்காசிக்கு அருகில் உள்ள மேலகரம் சார்ந்தவர். திருக்குற்றால நாதாரின் முன்னிமையில் அரங்கேற்றப்பட்ட இந்நூல் அன்றைய மதுரை மன்னனான முத்துவிஜரங்க சொக்கநாத நாயக்கரின் பாராட்டையும் பரிசையும் பெற்றது.     வானரங்கள் கனிகொடுத்து மந்தியொடு கொஞ்சும்    மந்தி சிந்து கனிகளுக்கு வான்கவிகள் கெஞ்சும் கானவர்கள் விழிஎறிந்து வானவரை அழைப்பார்    கமனசித்தர் வந்துவந்து காயசித்தி விளைப்பார் தேனருவித்...
மேலும் படிக்கவும்