நற்றிணை 14 தொல் கவின் தொலைய

 

 

       நற்றிணை 14  தொல் கவின் தொலைய

பாடியவர் : மாமூலனார்

திணை    :  பாலைத் திணை

கூற்று    : இயற்பழித்த தோழிக்குத் தலைவி இயற்பட மொழிந்தது

பாடல்

தொல் கவின் தொலைய, தோள் நலம்சாஅய,

நல்கார் நீத்தனர்ஆயினும், நல்குவர்;

நட்டனர்  வாழி! தோழி! குட்டுவன்

அகப்பா அழிய நூறி, செம்பியன்

பகல் தீ வேட்ட ஞாட்பினும் மிகப் பெரிது   5

அலர் எழச் சென்றனர் ஆயினும்- மலர் கவிழ்ந்து

மா மடல் அவிழ்ந்த காந்தள்அம் சாரல்,

இனம் சால் வயக் களிறு பாந்தட் பட்டென,

துஞ்சாத் துயரத்து அஞ்சு பிடிப் பூசல்

நெடு வரை விடரகத்து இயம்பும்    10

கடு மான் புல்லிய காடு இறந்தோரே.

பொருள் : தோழி, தலை கவிழ்ந்து பெரிய இதழ் விரிந்த காந்தள் மலரை உடைய சாரலில்

இனத்தோடு சேர்ந்து வலிமைமிக்க ஆண் யானை பெரிய பாம்பின் வாய்ப்பட அதனால்

அடங்காத துயரத்தோடு அச்சமும் கொண்ட பெண் யானை பேரொலி எழுப்பிப்  பிளிறும்.

அப்பெரும் ஓசை வேகமாகச் செல்லும் குதிரையை உடைய புல்லி என்பான் காட்டில்   

கேட்கும் . அக்காட்டின் கண்ணே சென்ற நம் காதலர் என் தோளின் அழகு கெட்டு வாடி

பழைய நலமெல்லாம் தொலையுமாறு  இன்பம் தராது  என்னை கைவிட்டு சென்றார் என

நீ கூறினாய். சேரனுடைய மதில் அழியுமாறு இடித்துச் சோழவேந்தன் ஒரு பகலில்

அவ்வூரைத் தீக்கு இரையாக்கியதைக் காட்டிலும் பெரிய பழி உண்டாகச் சென்றார்.

அவ்வாறு கைவிட்டுச் சென்றார் ஆயினும் என்பால் நட்பு வைத்தவர் அவர். ஆதலால்

குறித்த பருவத்தில் வந்து என்னிடத்து அன்பு செய்வர்.  எனவே அவர் நீடுவாழ்வாராக.

 

கூற்று விளக்கம் : அறத்தொடு நிற்றலில் முதலில் தலைவன் பிரிந்தமை காரணமாகத்

தலைவி தலைவன் தன்னை கைவிட்டான்  என வருந்தி புலம்பினாள். இதனைக் கேட்ட

தோழி தலைவன் நம்மை கைவிட்டான் ஆயின் அவன் இயல்பு அத்தகையது என்று

கூறினாள்.  அது கேட்ட தலைவி அவ்வாறு அவர் கைவிட்டார் ஆயினும் குறித்த

பருவத்தில் வந்து அன்பு செய்வார் என்று தலைவனின் நல்ல இயல்புகளை கூறினாள்

என்பது.

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

முத்தொள்ளாயிரம்- சேரர் - சோழர் - பாண்டியர்

                      முத்தொள்ளாயிரம் சங்க மருவிய காலத்து இலக்கியம். சங்க கால அகப்புற மரபுகளை ஒட்டி எழுதப்பட்ட இந்நூல் 3 x 300 மொத்தம் 900 பாடல்கள் என்ற பொருள் கொண்டு இதில் 2700 பாடல்கள் இருந்தன என்பர் ஒரு சாரார். மூவேந்தர்களைப் பற்றிய 300 பாடல்கள் மூலம் (3 x 300) மொத்தம் 900 பாடல்கள் மட்டுமே இருந்தன என்பர் ஒரு சாரார். ஆனால் இன்று 130 பாடல்கள் மட்டுமே கிடைத்துள்ளன. பாண்டியன் 1.         புகழ்               பார்படுப   செம்பொன் பதிபடுப முத்தமிழ்நூல் நீர்படுப வெண்சங்கும் நித்திலமும் – சாரல் மலைபடுப யானை வயமாறன் கூர்வேல் தலைபடுப தார்வேந்தர் மார்பு.   பொருள் : பாண்டிய நாட்டின் மண்ணுக்குள் பொன் இருக்கும். அவனுடைய தலைநகர் மதுரையில் முத்தமிழ்ச் சங்கம் இருக்கும். அவனுடைய கொற்கைக் கடலில் வெண்ணிறச் சங்கும் முத்தும் கிடைக்கும். அவனுடைய பொதிகை மலைச் சாரலில் யானைகள் இருக்கும். இப்படிப்பட்ட வளமெல்லாம் நிறைந்த வலிமை மிக்க பாண்டி...
மேலும் படிக்கவும்

பாரதியார் - பாரத சமுதாயம்

                               பாரதியார் - பாரத சமுதாயம் பெயர் : சுப்பிரமணிய பாரதி பெற்றோர் : சின்னசாமி ஐயர், லட்சுமி அம்மாள் பிறப்பு : 11.12.1882 இறப்பு : 11.09.1921 மனைவி : செல்லம்மாள் பாரதியார் என்றும் மகாகவி என்றும் போற்றப்படும் இவர் ஒரு கவிஞர், எழுத்தாளர், இதழியலாளர், சமூக சீர்த்திருத்தவாதி எனப் பல்வேறு பரிமாணங்களைக் கொண்டவர். சுப்பிரமணியன் என்ற இயற்பெயர் கொண்டவர். எட்டையபுரம் அரசசபையினரால் பாரதி என்ற பட்டம் பெற்றார். தமிழ், ஆங்கிலம், இந்தி, சமஸ்கிருதம் மற்றும் வங்காள மொழி ஆகியவற்றில் புலமை பெற்றவர். எட்டையபுர அரசவைக் கவிஞராக சிலகாலம் பணியாற்றினார். பிறகு மதுரை சேதுபதி பள்ளியில் தமிழ் ஆசிரியராக பணியாற்றினார். பிறகு சுதேசிய மித்திரன் என்ற பஇதழில் துணையாசிரியராக பணியாற்றினார். கல்கத்தாவில் தாதாபாய் நவ்ரோஜி தலைமையில் நடைபெற்ற மகா சபை கூட்டத்தில் கலந்து கொண்ட போது விவேகானந்தரின் சீடர் நிவேதிக்கா தேவியை சந்தித்தார். அவரிடம் ஆசி பெற்று அவரைத் தன் ஞானகுருவாக கொண்டார். 1907 ஆம் ஆண்டில் இந...
மேலும் படிக்கவும்

குற்றாலக் குறவஞ்சி - குறத்தி மலைவளம் கூறுதல்- பொருள்- விளக்கம்

  குற்றாலக் குறவஞ்சி - குறத்தி மலைவளம் கூறுதல் நூற்குறிப்பு:   குற்றாலம் என்பது தமிழகத்தில் தென்பகுதியில் உள்ள திருநெல்வேலி மாவட்டத்தின் தென்காசி வட்டாரத்தில் உள்ள ஊர் ஆகும். இந்த இடத்தில் குறும்பலா மரத்தின் அடியில் சிவபெருமான எழுந்து அருளி உள்ளான். இந்த இறைவனைத் தலைவனாகக் கொண்டு பாடப்பட்டது இந்நூல். நூலின் ஆசிரியர் திரிகூட  ராசப்பக் கவிராயர் ஆவார்.  இந்த நூலில் 128 பாடல்கள் உள்ளன . குறவஞ்சி நாடகம் என்று போற்றப்படும் இந்நூல் வடகரை  அரசனான சின்னணஞ்சாத் தேவரின் அவைப்புலவராக விளங்கிய திரிகூடராசப்பக் கவிராயர் என்பவரால் இயற்றப்பட்டது. இவர் தென்காசிக்கு அருகில் உள்ள மேலகரம் சார்ந்தவர். திருக்குற்றால நாதாரின் முன்னிமையில் அரங்கேற்றப்பட்ட இந்நூல் அன்றைய மதுரை மன்னனான முத்துவிஜரங்க சொக்கநாத நாயக்கரின் பாராட்டையும் பரிசையும் பெற்றது.     வானரங்கள் கனிகொடுத்து மந்தியொடு கொஞ்சும்    மந்தி சிந்து கனிகளுக்கு வான்கவிகள் கெஞ்சும் கானவர்கள் விழிஎறிந்து வானவரை அழைப்பார்    கமனசித்தர் வந்துவந்து காயசித்தி விளைப்பார் தேனருவித்...
மேலும் படிக்கவும்